Ampati, June 28, 2026: South West Garo Hills a·ja ningo ga·akgipa Mellim Antekkagre songo Jio Mobile Network-ko adita salrangna watgija donchipengani a·sel jolo songdongenggipa manderang namen nengnikaniko mantokengaha ine parakataha.
Koborna seachi u·iatani gitade, ia jolni jio mobile network-ko watgija donchipenga ine u·iatenba, nirokgiparang simsakjani a·selma ma maiba nosto ong·ani ·aselma ma diesel salbagija donchipengani a·selsasama ine singdoataha. Ia jio mobile network-ko watna gita diesel dongjagenchimoba bijoliko connect ka·e watna man·achim, indake off ka·e donengania manderangna namen nengnikaniko on·engaha ine parakataha.
Indake ong·engon, da·o gita dingtang dingtang kamrangnaba internetkosa jakalna nangbatengani gimin aro poraienggipa bi·sarangba mitamrangde onlineosa kamrangko kana nang·engani gimin taraken ia nengnikenggipa obostarangko nirokatchina bil gnanggiparangko didiataha. Maina Rechagre-ni damrangba namen bariaha aro uni gisepon network off ka·e don·genchimode indin chipe galaming apsanengaha ineba jolo songdonggiparangoni suk onggija parakataha.