04 September 2026: South Garo a·ja ningo donggipa Sangknigre Sub-Centre-o sana bananiko on·anio nengnikanirango manenga ine changni chang banga manderangoni badi ka·anirangko mansoani jaman September 3 tariko Sangknigre ACHIK Regional Unit-ni dilgiparang ranggitik nirokaniko dakangaha.
Sangknigre ACHIK Unit dilgiparangni parakatani gitade, uamangni reange nion salni 12 baji batpilonan uano kam kagiparangoni saksakoba nikejaha, iandake Sub-Centreni dogarangko dala teke donakosa nikeania nanggitikan somoio sana bananiko rana rebagiparangna namen nengnikaniko on·gen aro ian Sangknigre Sub-Centre-o ka·dongna man·gijaniko mesokani ong·enga ine parakataha.
ACHIK dolni dilgiparang reanggipa 2025 bilsioba iandake ongengani gimin staff-rangko gronge singsandie nion chi dongjani gimin dongkamjaenga ine kam kagiparang aganchakahani gimin chirangko jokate on·china PHE departmentko mol·o·mole daode chirangba salantian jokengahachim aro Quarter-rangba dongachim indiba da·alora maini gimin dongkamjaenga ine singdoataha.
Sanchakram biaprangko ba Sub-Centre-ko songni nokni manderangni namgninan sorkari kulie on·ode maini gimin da·alo uko chipe donenga? Maini gimin uano kam ka·giparang saksaba dongja? Kam kagija ja bono bono dormahani tangkarangko bikote cha·nasan dakmiktokengama? Sorkari iarangko mamung dakeba masijaengama ma masieba masija dake dongtelengama ineba ACHIK dolni dilgiparang singdoataha.
Indake ong·engon iarangni bidingo ACHIK dolni dilgiparang Minister In-Charge of Health & Family Welfare-na badi kae u·iataniko dakanggen aro Departmental Enquiry-rangko dake uano kam ka·gipa manderangko action ra·an baksana Sangknigre Sub-Centre-ko namdapatna aro Public-rangna jakkaltobegipa ong·china raken didianiko dakanggen ine parakataha.
Leave a Reply