Tura, 26 June 2026: West Garo Hills a·ja ningo ga·akgipa Gambegre constituency ningo Adugre-oni Anchenggreona patch (one) aro Anchenggre songma-oni Chenggapara-ona (patch two) black top ka·gipa, Pradhan Mantri Gram Sadak Yojana (PMGSY)-ni ramarang taria matchotani bilsi bonga ong·kujaon nosto ong·engaha ine A·chik Holistic Awakening Movement (AHAM) Bolori Unit suk onggijaniko parakataha.
AHAM dolni parakatani gitade, ia nosto ong·gipa ramarangara 2023-2024 bilsi jolo tarigipa ong·achim indiba bilsi bonga ongkujaon ia ramarang da·o gimikchin gilgaue nosto ongtokaha. Indake ia ramarang namjani a·selo pilak skul-college regipa chatro-chatrirang aro office-o kam ka·gipa manderangba namen neng·nikkarangko man·engaha.
2,000 bilsio PMGSY-na niam don·gimin gitade, tarigimin ramarangko bilsi bonganade nosto ong·oba taripile on·e maintain ka·na nangachim, indiba ia kamko jako ragipa contractor-rangde da·ona kingkingba maming nirok-sandigija galchipe donenga ine AHAM matnangataha. Indake ong·engon, a·dok chigani bil man·gipa dilgiparang aro departmental officer-rangko, ia rama namgijagiparangko taraken niroke taripile on·paode nambegenchim ine AHAM Bolori Unit-ni Secretary Emash Marak mol·molataha.
#AHAM #Gambegre #PMGSY #GaroHills