Tura August 30: August 29 tarik 2026 Sonibar salni bako Cook-cum-Helpers (CCH) Gasuapara Unit-ni gita, Union-ni dabianiko ra·chakpae re·baenggipa September 1st tarikoni indefinite strike-ko, kana inenba tome chanchirimenba jinma jak songe ra·chakangaha.
Union of Cook Cum Helpers PM Poshan Meghalaya Shillong, batanggimin Augustni 20 tariko a·dokni Education Minister Shri. L. Rymbui-na chittirangko seatahachim. Je uamangni mongsonggipa onge dabianiara Honorarium ba uamangna on·a nanggipa tangka paisarangko Central Government bariatdapchina mol·molani ong·achim.
Uamangni chittio janapatani gitade ru·uta bilsirangonin Meghalaya CCH Union-ni gita nengnikanirangko janapgenchimoba dale rajaengani gimin uamang gisik suk ongjae, uamang da·alo iandakgipa ja·kurangko deaniona sokengaha ineba janapaha aro uamangni indefinite strike kamitting somoirango a·dok sorkariba jak on·pachina aro central Governmentko mol·molchakpachinaba agandapanirangko dakangaha.
Meghalaya a·doko Cook-cum-Helpers CCH-rangna jao hajal-2 (2000/-) rangko on·engachim, indiba ua hajal-2 tangka paisarangara uamangni nokdangrangko niroknade chu·ungpajachim, maina bilsi antian India a·songo bosturangni damrang jekai cha·a ringa, gana china, sita nonga, rea doani plakni damrangan tangdoenga indiba uamangna on·gipa Honorarium-de tangdoani dongja aro gipinrang gita ja·antiba manpajachim, indaken uamang nokdangko rikanio nengnike janggi tangna gita nangenga ine tomaniona sokbagiparangoni saksa me·chikma suk onggija, koborna talataniko onataha.
Indake ongengon uamang re·baenggipa September 1st tarik 2026-oni Indefinite strike ko a·bachenge, jena kingking Union Government uamangni dabianiko knachakkujachim dondikgija strike ba jingjengataniko ka·angkugen inenba CCH Gasuapara Unit-ni Secretary talataniko dakangaha.
Leave a Reply