West Garo Hills a·jani Chibinang Bazar jolo, Garo Hills Autonomous District (GHADC)-ni a·ao rori ba Non-tribal manderangni niam gri songdong achaaniko aro dokan basa dakenggiparangko champengata jamanba, niam gri aro maming permission-ko man·gijan dokan basa dakpiltokenganiko July 21 tarik 2026 Monggolbar salni bakonide bangen nikpilengaha ine Niksamso Garo Community Organisation (NGCO) Chibinang Unit-ni dilgipa Abel Sangma parakataha.
GHADC-ni a·ao rori manderangko niamgri rimbae dokan dakatengani gimin da·o ong·enggipa bazaar committeerangkoba Abel Sangma singdoate, maini gimin maming permission gri a·paloni rori manderangko rimbae dokan dakatenga ine singdoataha? Indake uamangni niam gri kam ka·enggiparangko raken jegalate, mikkangchiba manigija niam gri kam ka·anggenchimode uamangni ko·sako rakgipa jakuko deanggen ineba ua mikrakataniko onataha.
Indake ong·engon, ua jolni biaprangna GHADC-ni on·gipa allotment form-rangkoba da·o ongenggipa bazaar committee-rang kingsako tangka gong ritchabongana pale chaenga ine una badi katokengani gimin, ian niam gri dakbadeani kamrang ong·enga ine ua jegalataha. Chibinang Bazar-o GHADC-ni a·aon bangen rori manderang niam gri nok jamrangko rike dongtokengaha aro iarangko taraken niroke kakketko sandichina GHADC-ni dilgiparangkoba, Abel Sangma mol·momataha.
Leave a Reply