Tura Christian Hospital-na Georgeman S. Marak aro uni nokdang, generator setko onatani gimin mitelata
Tura, October 13, 2026: Tura Christian Hospital-na Williamnagar, East Garo Hills-o donggipa Mr. aro Mrs. Georgeman S. Marak-ni 62.5 kVA Jakson generator set-ko jaksrambee ongile dakchakatani gimin Dr. Editha W. Momin, Medical Superintendent, Tura Christian Hospital, dingtangmancha uamangko mitelpilataha.
Hospital-oni parakatani gita, ia generator set-ra electric power dongjani somoirango aro emergency obostao hospital-ni nangchongmotgipa kamrangko dontonggija kana dakchakgen. Iani gimin, hospital-o sana bananiko ra·enggipa manderangna aro hospital-o dangdike on·aniko onenggipa sakantinan nambatgipa dangdike on·aniko dakna dakchakgen.
Hospital-na jaksrambee on·gile dakchakania ka·sachakani, namgipa dakmesokani aro manderangna namgipa gisikni kamko mesokani ong·a ine talataha. Indakea dakchakaniara hospital-ni kamrangko bilakatna aro manderangna nambatgipa healthcare service on·na gamchatbegipa dakchakaniba ong·a ine Dr. Editha W. Momin demitela parakataha.