Ampati, 12 September 2026: South West Garo Hills a·jao donggipa Chondonpara Parish-ni gital kuligipa ST. Jude skul-ko warachakgipa dolni dilgipa aro Songsak-ni MLA. Dr. Mukul M. Sangma bristibar salni bako oprake on·angaha.
ST. Jude skul-ko kulina Spain a·songoni dakchakatanira Isoloni patigimin gamjinko chimonge an·chingona sokatgipa ong·a. Uko an·ching masie ambino an·chingni A·chik a·songni manderangba patianiko manani jaman an·chingba apsan daken on·gilpana man·gen ine ka·dongsoe Dr. Mukul Sangma aganangaha.
MLA chakatchengo Chondonpara-ona re·angon kutcha skul nok selako nikeaha, nangna skang chakatgiparangba re·baha noking pinako nike nasimangna namgipa skul noko rike on·a ku·chakachim indiba matchotchipja ine songni manderang aganaha, ia golpo Chondonpara-ni ong·ja A·chik A·song, Meghalaya a·dok gimikni ong·a. 1993 bilsio MLAna seokako mana jaman “Operation Blackboard” ko a·bachengate sena jot·na mangija jaksi tapgiparangko blackboard-o bimungtangko sign/soi kana mana nangen ine skina sorkari agenda donaha, indioba a·gilsak tarake develop ongengaha soi kana mangmang skiani somoi ongjaha ineba Dr. Sangma aganangaha.
Admission aro form fill up karikna manjae porikka serikna mangijanirangko knae pagiparangko anti prako 500 tangkarangko chimongchina Bishop didiangaha.
Chengo skigipani kamko kagiparang beton ₹100 rangkonsan manaia bangja, da·oba bangja angni CM ongmitingo ₹1500 oniko double dake chang bonga bariata mitam skigiparangde gisik rapiljawaha ine Dr. Sangma aganaha
Ang pagipaba skigipani kamko ka·a, uni beton bangja, St. Anthony’s College Shillong-o poraina paningsa songgigrika, na·aba St. Anthony’s College-o poraia angaba poraigen ine dabiani gimin na·a name poraiosa nangko Shillong-ona watatna mangen maina chugimik dakchakna manjawa poraigiparangna scholarship dong·a mesoka jaman, pagipani gitchiako nike bimchipe poraie scholarship-na krenge pagipani dakchakgipa baksana Ministry of Home Affairs Govt. Of India-ni book grant, merit aro borderna ₹200 on·gipako scholarship-ko primary-oni poraibaoni doctor poraionaba manbaaha aro doctor-ba ong·a baksana MLA ba ong·aha, scholarship dongjaode Ampatio atchipgipa Mukul M. Sangma chusokgipa ongnaba manjawahachim, uni ginin songtangon poraie senggipa aro chusokgiparang ongbo ine Dr. Mukul M. Sangma St. Jude skul-ni chatro chatrirangko didiangaha.
Leave a Reply