Tura, 13 June 2026: Meghalaya Emergency Response Workers Union (MEMRIWU), 108 Emergency Service-o kam ka·enggiparang bang·a neng·nikaniko chagrongna nangenganina National Health Mission (NHM)-ni Mission Director-ko gronge da·al Bristibar salo tom·e chanchirimaniko dakangaha.
Ia tom·anio MEMRIWU dol, 108-ko chalaiani bidingo aro kam ka·enggiparangko nirok simsakani gimin agangrikaniko dakangon kamrangko regularise ka·ani bidingo Health Minister-ni dongpaanio chanchirimna nanganiko Mission Director aganangaha.
Unbaksana Program Manager-ni kamtangko changni chang dakgualanina kamoniko ra·gale gital candidate-ko seokchina, backup tele-communication network & operating system-ko namdapataniko aganangengon iani bidingo taraken nianiko dakangna Mission Director janapangaha. 108-na call ka·na jakkalgipa official phone-rang dingtang dingtang biaprangon kam ka·jaenganiko janapon neng·nikako man·gipa biaprangni bimingrangko on·china Mission Director aganangaha.
108-na chamatgipa tangka paisarangko jakkalsretanina aro kam ka·enggiparangna gamna nanganiko matchotgija donenga. National Health Mission-ni ning·o kam ka·enggiparang tangka gong hajal 21,600-na komie man·enganiko MEMRIWU-ni janapangon bimingrangko on·china Mission Director aganangaha.